बक्स अफिस रिपोर्ट: राम नाम सत्य र पहाडले कति कमाए ?

काठमाडौँ । गत साताको नेपाली बक्स अफिसको रिपोर्ट सार्बजनिक भएको छ । 

चलचित्र विकास बोर्डले सार्वजनिक गरेको बैशाख १२ गते शनिबारसम्मको बक्स अफिस रिपोर्ट अनुसार राम नाम सत्यले बक्स अफिसमा राम्रो कमाई गरेको छ ।

राम नाम सत्यले अहिलेसम्म ३ करोड ३१ लाख ५८ हजार ८२१ कमाई गरेको छ । राम नाम सत्यको अहिलेसम्म कुल एक लाख १७ हजार ५६४ टिकट विक्री भएको छ ।  राम नाम सत्य चैत्र २७ गतेदेखि प्रदर्शनमा आएको थियो ।

त्यस्तै बैशाख १ गतेदेखि प्रदर्शनमा आएको तुलसी घिमिरेको फिल्म पहाडले ६१ लाख ७७ हजार २६२ कमाई गरेको छ । पहाडको कुल १९ हजार ६३९ टिकट बिक्री भएको छ ।