- २०८३ भदौ १९ शुक्रबार
2026-06-26-05-49-27.jpeg)
काठमाडौँ । काठमाडौँ महानगरपालिका–३२ पेप्सीकोला प्लानिङमा गएराति भएको आगलागीबाट १० वटा पसल र ३ वटा पक्की घरमा क्षति पुगेको छ । आगलागीमा ६ वटाभन्दा बढी घर तथा टहरा पूर्ण रूपमा जलेर नष्ट भएका छन् ।
गएराती भएको आगलागी काठमाडौँ महानगरका तीन दमकल, ३० जना अग्नि नियन्त्रक र दुई पानी ट्याङ्करसहितको टोली, नेपाली सेना तथा छिमेकी पालिकाका दमकलसमेत परिचालन गरेर नियन्त्रणमा लिइएको थियो ।
आगलागीका क्रममा ग्यास सिलिन्डर पड्किएपछि आगो थप फैलिएको थियो । काठमाडौं क्याफे, बेम्बो कटेज, तरकारी पसल, सेकुवा क्याफे र खाद्यान्न पसललगायतका संरचनामा क्षति पुगेको छ ।
महानगरपालिकाको अग्नि नियन्त्रक टोली तथा सम्बन्धित निकायको समन्वयमा आगलागी नियन्त्रणमा लिइएको थियो। घटनामा मानवीय क्षति भने भएको छैन ।
