अफगानिस्तानविरुद्धको एकदिवसीय सिरिजमा भारतको विजयी शुरुवात

काठमाडौँ । भारतले अफगानिस्तानविरुद्धको एकदिवसीय सिरिजमा विजयी शुरुवात गरेको छ ।

गएराती सम्पन्न खेलमा भारतले अफगानिस्तानलाई ७ विकेटले पराजित गरेको हो । बर्षाले प्रभावित यो खेल २५-२५ ओभर खेलाइएको थियो । अफगानिस्तानले दिएको १९५ रनको लक्ष्य पछाएको भारतले २२.५ ओभरमा ३ विकेट गुमाउदै लक्ष्य पुरा गरेको थियो । भारतका लागि कप्तान शुभमन गिलले अविजित ८४ रन बनाएका थिए भने केएल राहुलले अविजित ३९ रन बनाएका थिए । त्यस्तै इशान किशनले ३४, रोहित शर्माले १६ र श्रेयस अय्यरले १२ रन बनाएका थिए ।

यसअघि टस हारेर पहिला ब्याटिंग गरेको अफगानिस्तानले रह्मनुल्लाह गुरबाजको ५१ बलमा १०२ रनको शतकीय पारीको मद्धतले २४.५ ओभरमा अल आउट हुदै १९४ रन बनाएको थियो ।

यो जित पछि ३ खेलको सिरिजमा भारत १-० ले अगाडी भएको छ । अब सिरिजको दोस्रो खेल बुधबार लखनउमा हुने तालिका छ ।