- २०८३ बैशाख ८ मंगलबार
काठमाडौँ । एरिका गुरुङले चीनको लेसनमा हुने डब्लुकेएफ कराँते वान प्रिमियर लिगमा सहभागिता जनाउने भएकी छन् ।
अप्रिल १० देखि १२ तारिखसम्म हुने प्रतियोगितामा एरिकाले महिला ६८ केजीमाथि तौलसमूहमा नेपालको चुनौती प्रस्तुत गर्ने भएकी हुन् । यस प्रतियोगितामा उनका प्रशिक्षकमा कुशल श्रेष्ठ तथा व्यवस्थापकमा रवि महर्जन रहेका छन् ।
राष्ट्रिय खेलकुद परिषद्का सदस्य–सचिव रामचरित्र मेहताले चीनको लेसनमा हुने डब्लुकेएफ कराते वान प्रिमियर लिगमा सहभागी हुने एरिका, प्रशिक्षक र व्याव्सथापकलाई बिदाइ गरेका छन् ।
बिदाइ कार्यक्रममा नेपाल कराते महासंघका महासचिव दावा गुरुङ, करातेका मुख्य प्रशिक्षक दिपक श्रेष्ठलगायतको उपस्थिति रहेको थियो ।
