- २०८३ बैशाख ७ सोमबार
काठमाडौँ । भारतको केरलाको तट नजिकै लाइबेरियाको एउटा कार्गो जहाज डुबेको छ ।
भारतीय तटरक्षक दल र भारतीय नौसेनाले संयुक्त अभियानमा जहाजका सबै २४ चालक दलका सदस्यहरूलाई उद्धार गरेको जानकारी दिएका छन् ।
भारतीय तटरक्षक दलले भनेको छ- 'जहाजमा ६४० कन्टेनरहरू थिए, जसमध्ये १३ वटामा खतरनाक सामग्रीहरू थिए र १२ वटामा क्याल्सियम कार्बाइड बोकेका थिए ।'
जहाजको ट्याङ्कीमा ८४.४४ मेट्रिक टन डिजेल र ३६७.१ मेट्रिक टन फर्नेस तेल रहेको बताइएको छ । यसले गर्दा वातावरणमा क्षति पुग्ने खतरा रहेको बताइएको छ ।
